Землетрасенне ў Італіі (2016)
 | |
| Дата і час |
03:36:33 (CEST) |
|---|---|
| Магнітуда | 6.1 Mw |
| Глыбіня гіпацэнтра |
10 км |
| Размяшчэнне эпіцэнтра |
42°42′50″ пн. ш. 13°10′19″ у. д.HGЯO |
| Закранутыя краіны (рэгіёны) |
 Італія |
| Пацярпелыя |
295 загінулых больш за 400 параненых |
Землетрасенне ў Цэнтральнай Італіі адбылося 24 жніўня 2016 года ў 03:36 па мясцовым часе (01:36 UTC) паблізу горада Норча, у 75 км на паўднёвы ўсход ад Перуджы, у 45 км на поўнач ад горада Л'Акуйла і 116 км на паўночны ўсход ад Рыма.[1] Па дадзеных Геалагічнай службы ЗША, ачаг землетрасення залягаў на глыбіні 10,0 км, а магнітуда склала 6,2—6,4 па шкале Рыхтэра.[2][3][4][5] У выніку стыхійнага бедства загінулі 295 чалавек.[6] Больш за тры тысячы пазбавіліся даху над галавой.[7] Штуршкі адчуваліся на большай частцы цэнтральнай Італіі, у тым ліку ў Рыме, Неапалі і Фларэнцыі.[8] Найбольшыя пашкоджанні атрымалі населеныя пункты Пескара-дэль-Тронта, Аркуата-дэль-Тронта, Аматрычэ і Акумолі (правінцыя Рыеці).[9]
Гэта землетрасенне — найбуйнейшая катастрофа ў гісторыі краіны з 2009 года[10] (той год, калі адбылося землетрасенне ў раёне горада Л'Акуйла ў Абруца, якое забрала жыцці больш за 300 чалавек).
27 жніўня абвешчана днём агульнанацыянальнай жалобы па ахвярам землетрасення.[11]
Яшчэ адно моцнае землетрасенне ў цэнтральнай Італіі адбылося 30 кастрычніка ў 07:40 па мясцовым часе (06:40 UTC) у 6 км ад горада Норчыя. Ачаг землетрасення залягаў на глыбіні 10 км, а магнітуда склала 6,6 па шкале Рыхтэра.[12]
Гэта было наймацнейшае землетрасенне ў Італіі за апошнія 36 гадоў з часоў землетрасення ў горадзе Ірпінія ў 1980 годзе. Ваганні зямной паверхні адчуваліся па ўсёй Італіі, у тым ліку ў Рыме, Фларэнцыі і Венецыі.
У выніку землетрасення была разбурана коммуна Аркуата-дэль-Тронта,[13] а таксама Базыліка Святога Бенедыкта ў горадзе Норчыя.[14]
Спасылкі
[правіць | правіць зыходнік]- ↑ Earthquake in central Italy leaves dozens dead. BBC News (24 жніўня 2016). Праверана 24 August 2016.
- ↑ M6.2 — 10km SE of Norcia, Italy. United States Geological Survey (24 жніўня 2016). Праверана 24 August 2016.
- ↑ Scherer, Steve. Magnitude 6.4 quake hits Italy near Perugia: USGS(недаступная спасылка) (24 жніўня 2016). Архівавана з першакрыніцы 26 жніўня 2016. Праверана 24 August 2016.
- ↑ Earthquake hits central Italy. CNN (24 жніўня 2016). Праверана 24 August 2016.
- ↑ 6.2-magnitude earthquake rattles Rome, central Italy (24 жніўня 2016). Праверана 24 August 2016.
- ↑ Полуторогодовалый сын россиянки погиб под завалами в Аматриче
- ↑ Число жертв землетрясения в Италии увеличилось до 293 человек
- ↑ Italy quake: 6.4 magnitude tremor rocks heart of the country (24 жніўня 2016). Праверана 24 August 2016.
- ↑ Землетрясение в Италии унесло жизни десятков человек: Происшествия: Мир: Lenta.ru
- ↑ Breslin, Sean. 6.2 Magnitude Earthquake Hits Italy; Residents Trapped, Major Damage Reported (24 жніўня 2016). Праверана 24 August 2016.
- ↑ В Италии объявлен общенациональный траур по жертвам землетрясения: Общество: Мир: Lenta.ru
- ↑ M6.6 — 6km N of Norcia, Italy. earthquake.usgs.gov. Праверана 5 лістапада 2016.
- ↑ "Terremoto, Arquata del Tronto non esiste più". Праверана 2016-11-05.
- ↑ "В центральной части Италии произошло новое мощное землетрясение". Праверана 2016-11-05.